Մեր մասին

    Էներգետիկայի գիտահետազոտական ինստիտուտի պատմությունը սկսվում է 1948 թ.-ից։ 1948-1963 թթ. այն գործել է Հայաստանի Գիտությունների Ակադեմիայի կազմում որպես Էլեկտրատեխնիկայի լաբորատորիա, հետո՝ ինստիտուտ, իսկ 1961թ.-ից՝ որպես էներգետիկայի ինստիտուտ։ 1963-1992թթ. ինստիտուտը գտնվել է նախկին ԽՍՀՄ էներգետիկայի եւ էլեկտրաֆիկացման նախարարության կազմում։ Այդ տարիներին ինստիտուտից առանձնացվել են մի շարք ստորաբաժանումներ, որոնցից ձեւավորվել են 4 գիտահետազոտական ինստիտուտներ։
    1992թ.-ից ի վեր ԷԳՀԻ գործում է ՀՀ Էներգետիկայի նախարարության կազմում, ունի "Էներգետիկայի ռազմավարական կենտրոն" մասնաճյուղը։

ԻՆՍՏԻՏՈԻՏԻ ԳՈՐԾՈՒՆԵՈՒԹՅԱՆ ՈԼՈՐՏՆԵՐԸ

1. Էներգետիկ համակարգի զարգացման կանխատեսում

• Հայաստանի Հանրապետության էլեկտրաէներգիայի եւ ջերմաէներգիայի պահանջի մատակարարման վերաբերյալ վիճակագրական տեղեկատվության վերլուծում,

• ՀՀ տնտեսությունում եւ նրա առանձին ոլորտներում էլեկտրաէներգիայի եւ ջերմաէներգիայի պահանջարկի կանխատեսում,

• Էներգետիկ հզորությունների զարգացման տարբերակների հաշվարկում,

• Էներգետիկ օբյեկտների գործարար ծրագրերի մշակում:

2. Գնագոյացում։ Սակագների կայունացում

• Սակագների կայունացմանն ուղղված միջոցառումների մշակում,

• Սակագների վրա էլեկտրաէներգետիկ շուկայի հնարավոր սցենարների ազդեցության հաշվարկում,

• Շուկայական պայմաններում գնագոյացման մեխանիզմների հետազոտում:

3. Էներգահամակարգի կառավարում

• Էներգիայի եւ հզորության մեծածախ շուկայի կազմակերպման գործունեության ակնարկ,

• Փորձի վերլուծություն, տարածաշրջանի երկրների միացյալ էներգահամակարգի ստեղծման ծրագրերի մշակում,

• Մասնավորեցման գործընթացի գիտական ուղեկցում:

4. Էներգետիկ համակարգի շահագործման ռեժիմներ

• Էներգետիկ համակարգի կայունացման եւ հուսալիության բարձրացման միջոցառումների մշակում,

• Էլեկտրական ցանցերի ռեժիմների հաշվարկներ եւ լավարկում,

• Միջհամակարգային կապերի հետազոտում։

5. Կորուստներ էլեկտրական ցանցերում

• Նորմատիվ կորուստների հաշվարկներ,կանխատեսումներ եւ վերլուծում,

• Կորուստների նվազեցմանն ուղղված միջոցառումների մշակում,

• Ցանցերում էլեկտրաէներգիայի հաշվառման ավտոմատացված համակարգի նախագծման-ներդրման աշխատանքներ,

• Էլեկտրական կայաններում- 35/110/220 կՎ ենթակայաններում սեփական կարիքների ծախսի նորմավորում։

6. Էներգախնայողություն եւ այլընտրանքային էներգետիկա

• Էներգախնայողության խնդիրներ։ Էներգետիկ պաշարների, նորմերի չափաքանակների հաշվարկ,

• Էներգատնտեսությունների տեխնիկատնտեսական բնութագրերի մշակում եւ անձնագրավորում,

• Էներգախնայողության միջոցառումների մշակում,

• Էներգիայի այլընտրանքային աղբյուրների ռացիոնալ օգտագործման հետազոտություն:

7. Ստանդարտներ եւ նորմեր

• Էներգետիկ համակարգի համար ստանդարտների, նորմատիվ փաստաթղթերի դրույթների մշակում,

• Էներգետիկ համակարգի ընկերությունների հիմնական միջոցների վերագնահատում:

8. Կադրերի պատրաստում

• Գիտական կադրերի պատրաստում ասպիրանտուրայի միջոցով,

• Էներգետիկ համակարգի ղեկավար կազմի, ճարտարագիտական եւ տեխնիկական կադրերի վերապատրաստում պարբերական դասընթացների միջոցով։

9. Տեղեկատվական ծառայություն

• Տեղեկատվական ամփոփագրերի հրատարակում,

• Էներգահամակարգի ձեռնարկությունների ապահովում տեխնիկական նորմատիվ փաստաթղթերով,

• Խորհրդատվական ծառայություն:

10. Լիցենզավորված գործունեություն

• Օրենսդրական ակտերի եւ այլ նորմատիվ փաստաթղթերի հրատարակում եւ տարածում,

• Նախագծային ինժեներինգ, բնակավայրերի եւ տարածքների ինժեներային սարքավորումների ուրվագծերի մշակում,

• Ինժեներական ցանցերի եւ համակարգերի նախագծում (էներգամատակարարում, էլեկտրական լուսավորում, էլեկտրական ջեռուցում) ,

• Էներգետիկական չափումներ հավատարմագրված լաբորատորիայի միջոցով։

11. Արտադրական գործունեություն

• Աշխատանքի պաշտպանության եւ անվտանգության տեխնիկայի կաբինետի ստեղծում, պլակատների, ստենդների պատրաստում: